本身頭髮夠厚,仲要毛毛躁躁,俾人話我好似傻婆咁… 為左洗走傻婆之名,所以我決定去Salon搞搞個頭!今次我揀左去Hair fusion做B5 Treatment,幫頭髮煥然一新!

Hair fusion岩岩裝修完,所以我去個時仲未執好~

佢地有locker供應,咁就唔怕要拎住個袋周圍走~

唔只locker,佢呢度仲會有飲品機!不過因為我帶咗私伙飲品,所以我就無緣享受飲品服務。


雖然我無緣享受飲品服務,不過我就有緣享受髮型師細心嘅服務啦~一開始就同我講解B5 Treatment 每一步嘅用處

原來係Salon只會做Step1-4,而Step5係要自己加購返屋企用。不過Step1-4就已經可以見到明顯分別。

首先幫頭髮做淨化,姐係幫頭髮做peeling。因為可能平時用嘅頭髮產品含有矽或其他雜質,所以先幫頭髮洗淨所有,還原基本~普通洗完頭後就會用淨化劑再洗一次,而淨化劑需要last係頭髮上數分鐘後先可以洗走~

之後,將Step1 +Step2加埋一齊均勻塗抹頭髮上。內含高純度維他命B5,透明質酸及NaPCA,多種天然保濕因子成分。因分子細小,可以瞬間滲入髮絲,提升強韌度,柔順度及保濕水潤。

亦因為分子細小,將修護精華塗上頭髮時加以按摩就可以增進吸收,再以保鮮紙覆蓋約5分鐘便可,無需使用任何儀器或熱力輔助。5分鐘後,無需沖洗直接係髮絲上添加Step3 瞬間絲聚蛋白護髮霜,提升豐盈感之用,同樣以保鮮紙覆蓋,靜等約15分鐘。

15分鐘後,用暖水沖洗,然後塗抹Step4 水潤光澤精華並吹乾。如果想令效果更持久,可以加購Step5 返屋企洗頭時當護髮素使用~

唔好覺得好似普通塗塗抹抹咁,原來精華已經滲透入髮絲,而髮絲質感亦有所改變,變得順滑,唔再毛燥!而家唔只係摸得到嘅順滑,仲係睇得到嘅順滑!真正滑不留手~

Hair Fusion
FB:https://www.facebook.com/hairfusion.hk/
地點:旺角亞皆老街24至26號東方大廈4樓全層
電話:23633573

免責聲明:本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊請直接聯絡該品牌查詢或尋求相關專業意見。

歡迎聯絡試用或出席活動事宜!

Email: michelle02532@gmail.com

More Me: