朋友為咗慳錢決定同男友旅行結婚,但屋企老人家要體面,覺得個女嫁得咁寒酸,日後係男家會無啖好食,最後雙方達成共識,係香港擺酒,講真,我覺得老人家係有佢哋既智慧,所講既說話未必無道理,畢竟結婚一生人一次,點可以求求其其呢



好姊妹叫到,點會唔幫手吖,其實要有禮面,又唔一定要去酒店擺既,前幾日就陪佢去咗九龍區睇場。


講真,我對呢個場都幾滿意,首先場地靚,全場法式設計,全場28圍,零柱位夠晒體面氣派。



中午證婚仲有免費專車接送,條數計落都慳唔少。



最重要係位置坐擁180度海濱長廊沿海景色,配埋窗外昏黃既街燈,感覺超浪漫呀。

舞台同證婚區融為一體,全部都係以白色同粉藍色做設,兩旁都放咗基本既擺設,加上唔同光線投射圖案,感覺都幾開揚。

即使每張枱坐滿12個人,都唔會有迫刧既感覺,因為佢哋個場真係好大。

而場尾既位置,就係耍樂區,可以俾賓客打下麻雀咁,因為係房入面,所以即使再嘈都唔會影響到出面既來賓。

由於當日係openday,場入有唔少擹位做緊婚嫁promotion,好少新娘化妝同埋攝影等等。

最後就係新娘房,地方都幾大,入面有夾萬、衣帽間、洗手間,仲有大大張梳化,非常乾淨,唔錯。


總括嚟講,我同朋友都好滿意呢個場,最重要係價錢貼地親民,啱晒想慳錢又要禮面既朋友仔,朋友話9成機會會係呢喥擺酒,等埋媽咪同奶奶既意見就可以落實

值得一讚係,駐場既職員超級專業,一d都唔hard sell,即時我哋不停問問題,都耐心解答,服務一流呀~

*******************************************************************

Bee Happy Fanpage

https://www.facebook.com/pages/Bee-Happy/284272761699282