TIFFANY NG | Explore More

希臘手造咸/甜曲奇,Meringue,傳統糖粉杏仁餅

有海量inbox/ whatsapp messages 問除咗手造朱古力仲有咩推介,其實Karavan有勁多甜點,不過小人無能唔可以全部都帶到,最後老闆推介咗多幾款,最特別係白色果款糖粉杏仁餅,原本只係會喺聖誕節同新年製造,但由於我兩個摯愛A&S(呼之欲出)好想再食,所以老闆特別限量製造俾香港朋友。   – 全部handmade,形狀粒粒有少少出入 – 想了解多啲Karavan可以去睇佢哋嘅website: www.karavan.gr
Category: 飲食

【獨家】希臘handmade朱古力喺我掌握之中!

估唔到拎住部Samsung Note5手機都可以幫希臘最出名嘅甜點品牌Karavan影廣告相,手機攝影師呢個工種原來真係存在嘅!當然啲相唔係咩大師級作品,但都擺咗好多心機,以下係一小部分,仲有好多未公開得住。 Karavan係傳統老店,堅持全部產品handmade兼唔落防腐劑,佢哋最出名嘅係希臘傳統甜點Baklava,賣相同味道都好正,但比較甜,亞洲人未必個個接受到。另外仲有好多唔同款式嘅handmade朱古力同咸/甜曲奇,唔想講有幾好食,總之足料又新鮮又唔會過甜,粒粒都係朱古力/整餅姐姐誠意之作,自己睇相feel吓個味,我相信我啲相係4D有味嘅。 咪又投訴有得睇無得食喇,老闆俾我用優惠價幫朋友代購,話今次特別平同埋免運費,梗係啦,我親自人肉空運返香港呀!想買嚟自己食又好,當新年禮物又好,...
Category: 飲食

想做就做,有咩好怕喎

想講返2017年1月1號發生嘅事,果日係希臘嘅拆禮物日(類似boxing day),而我真係拆咗全日boxes,原因係我上個月太得閒,無所事事行行企企周身唔自在,於是自動請纓幫手執屋,結果賴嘢啦,邊有人咁多雜物㗎。。。攰到。。。雖然係好攰,但係見到地庫由一片混亂變到勁整齊都好有滿足感。 而驚喜位係,夜晚佢哋叫我圍埋去拆禮物(真係boxing day!),原來媽媽買咗隻戒指俾我!果刻係超感動!連埋前一晚另一位媽媽送俾我嘅(偽)足金2017開運吊飾,我覺得呢個只得1度嘅新年好温暖。 半年前我絕對無諗過會遇到呢班媽媽同其他希臘朋友,更加諗都諗唔到自己會因為收到心形戒指同埋開運吊飾而咁開心,最最最諗唔到嘅係我會辭咗份工飛去希臘條條fing。從來都唔係一個會去計劃嘅人,正宗煮到埋嚟...
Category: 旅遊

【新年長知識系列】Happy New Year! 希臘新年傳統蛋糕Vasilopita!

希臘人非常之咁重視聖誕節同埋新年,會聚埋一齊慶祝,今晚會夜晚11點先開始食晚餐(平時佢哋閒閒地都夜晚10點先食),一邊食一邊倒數,然後最重要嘅環節係,切開一個叫做Vasilopita,兼且攝咗一個銅錢嘅大蛋糕/ 批/ 麵包,象徵分享好運,邊個分到有銅錢果件就代表佢喺新一年特別有運行。 至於點解有呢個傳統,事緣希臘係無聖誕老人嘅,但佢哋有一位聖人叫做Agios Vasilis,(據聞佢身形瘦削,同肥嘟嘟嘅Santa Claus好大分別),佢會焗一啲攝咗錢嘅蛋糕,然後分俾有需要嘅人食(又食又拎咁囉!幾開心!)而呢位聖人嘅命名日係喺1月1號,所以希臘人會喺新年切呢款以呢位聖人Vasilis個名命名嘅Vasilopita蛋糕。 除咗Vasilopita蛋糕,仲有兩種聖誕節同新年限定嘅傳統食品,分別係白色嘅Kour...
Category: 文化

希臘人初次試煮米線,原來米線煮法如此多!

當我對米線嘅印象仲停留喺襯酸辣、蕃茄、麻辣湯底呢類咁陀地煮法嘅時候,估唔到屋企入面嘅希臘人可以將米線煮到圖中咁樣樣。。。 話說我上星期買咗一公斤米線,諗住可以食成個月,並且率先用辣粉煮咗個辣湯米線嚟食,非常之咁滿足。但係無手尾嘅我求其將大大袋米線放咗喺廚房,前幾晚俾媽媽發現咗,佢問我:“今晚食smoked salmon pasta好唔好?” 我即時話:“正呀!” 點知佢煮哂一公斤米線當Pasta!由於份量太多,食咗幾晚先食得唒,好彩晚晚都有唔同煮法! – 紅蘿蔔蕃茄芝士炒米線   – 煙三文魚忌廉米線 – 大白菜蕃茄配韓式辣醬炒米線   食後感:好有特式,好好味,但我份人比較傳統,我覺得米線都係配湯底最啱feel,所以下次我一定會收埋包米線自己煮。
Category: 飲食