TIFFANY NG | Explore More

馬拉松跑者的起跑線 – 雅典馬拉松2017

  最近搭地鐵,發現全部站都貼滿關於11月12號舉行嘅雅典馬拉松嘅海報,非常大陣象。 上網查下,原來雅典馬拉松係世界大事, 唔少馬拉松跑手都話參加呢項賽事係作為跑者嘅里程碑。   “雅典是馬拉松的發源地,公元前490年, 傳令兵菲迪皮季斯為了傳遞勝利的喜訊, 一口氣從馬拉松村跑到雅典後力竭而亡, 馬拉松運動的起源就是為了紀念菲迪皮季斯的事蹟。 雅典經典馬拉松賽最大的亮點在​​於其最經典的賽道, 起點為馬拉松市,終點是泛雅典大理石體育場, 與1896年第一屆奧運和2004年雅典奧運馬拉松比賽的線路完全相同。 馬拉松賽分全程馬拉松、10公里和5公里三個項目, 目前對於報名成績沒有要求,遵循報滿即止的原則。”   雖然我唔係跑者,唔會參加馬拉松,但我好想去現場感受吓!...

May Sum送我Watercolor Portrait!

話說前幾日先同希臘人講話我有個friend Maysum makeup artist/飄眉師/唇膏雕刻家/藝術家/插畫師 喺倫敦有作品展覽好威威,點知今朝一起身就發現佢畫咗張水彩portrait俾我,好驚喜好感動!係咁show俾啲希臘人睇,佢哋勁讚好靚好有心思!May Sum 期待你喺希臘開展,我一定會日日帶啲希臘人去支持!   From May Sum’s Facebook: watercolor portrait 人是天生追求舒適,逃避恐懼的,要跳出自己習慣的Comfort zone, 需要莫大的勇氣。 這女子唔止跳出Comfort zone,還一個人勇闖希臘, 開始新的生活,做著新的事業。 也許我本人比較裙腳,實在太羨慕能一個人在陌生國家生活的人了! 送上小作,鼓勵佢既勇氣, 也希望佢喜歡的紅色, 能在一個適合的時間,地點, 為佢拉出一條幸福的紅線喔😀 ...
Category: 文化, 時裝潮流, 生活

永恆

我說或許世上没有不變的東西,然後她送我永恆。 instagram: @kumadorisfleurs 花藝師Doris的個性保鮮花(Tailor made) – “由於Tiffany住希臘,而她又揀選了藍色Garden Rose , 所以只用一朵主花,其他花材都是廢物利用,是raw一點的枝條及色調,只為營造切合希臘藍天白雲,天地悠悠的那種感覺。”
Category: 文化, 時裝潮流, 生活

生日傳統原來又係源自古希臘

今日又嚟“長知識系列”,由於琴日有希臘人生日,所以又學到關於生日嘅傳統。 古希臘人相信,每個人都有一個守護精靈,呢個精靈係由某一位神派遣嘅(希臘有數之不盡嘅神),而呢個人同呢位神係喺同一日出生,所以產生咗“生日”呢個觀念。 至於生日蛋糕,亦係源自古希臘,當時為咗慶祝月亮女神雅蒂米絲生日,希臘人會喺祭壇獻上圓形嘅蜂蜜蛋糕,再點一支細長嘅蠟燭象徵月光,佢哋相信願望會隨住蠟燭嘅煙被帶到女神身邊。久而久之就演變做生日要食生日蛋糕、點蠟燭同埋許願嘅習俗。佢哋仲認為生日嘅人喺呢日同精靈世界最接近,所以為佢送上嘅祝福都會更加容易實現。原來我哋有咁多生日嘅慶祝儀式都係源自古希臘。 喺香港,通常朋友會請生日果個人食飯,但係喺希臘,佢哋就興生日果個人請...
Category: 文化

認識多一種語言, 認識多一個世界

「認識多一種語言, 認識多一個世界。」 呢句說話我早幾年喺Facebook見到, 一直都覺得好有意思, 當時亦推動咗我去學日文, 雖然我永久停留喺錯談日語嘅程度, 但識多咗日文字, 又搭到兩咀, 去親日本旅行都爽好多, 遇到嘅日本人亦都分享咗更加多, 真心體會到共同語言嘅重要性。 喺希臘頭一個月, 只係靠英文同埋身體語言去溝通, 當然日常生活無咩問題, 但係唔係個個希臘人都識英文(旅遊區除外), 有時大家你眼望我眼, 除咗傻笑之外真係唔知仲可以點。 琴日我終於開始學希臘文, 之前去咗睇”Arrival”, 想同外星人溝通都要由基本字母學起, 所以第一堂就由呢24個基本字母開始(我覺得啲字母其實同外星文無咩分別), 除咗發音難之外, 最正嘅係好多同英文字母好相似嘅字母其實完全係另一件事, 好易...
Category: 文化