外國有多個研究顯示,食用朱古力能給予人幸福的感覺,相信很多人跟我一樣表示十分認同。我年紀還輕時,朱古力是用來「隊」的,我係一排排、一盒盒咁食。現在嘛⋯年紀漸長,怕肥,只能淺嚐,但臨近聖誕,supposed to be happy, 加上品牌於聖誕節期間推出「聖誕濃情下午茶」($368/for 2),唔理得咁多,我係都要食!

Godiva 在Yoho Mall開設全港首間Godiva Cafe, 作為「朱古力控」, 當然要和朋友去朝聖。以下先介紹金緻典藏下午茶 $368/for 2, 食品方面包括有:法式鹹派、迷你歌劇院蛋糕、鬆化餅底白朱古力藍莓蛋糕、自選口味軟雪糕、迷你鬆餅及朱古力草莓,再搭兩杯飲品(是日因太好生意,咸點已售罄另補上其他甜點)。值得一提的是所有朱古力蛋糕做得非常之出色,濃濃比利時朱古力味湧出來之餘更甜而不膩,口感一流!再來要讚的是其朱古力軟雪糕,滑到冇人有,朱古力味道又濃郁,絕對令人有一杯接一杯的衝動。

如果嫌朱古力味太搶,亦可試試經典比利時窩夫甜品如窩夫配鮮果及鮮忌廉($88),窩夫做得鬆脆,搭配鮮果予人清爽之感,是朱古力之外的美味選擇,不過作為朱古力控,我連窩夫都揀埋朱古力軟雪糕口味,實行朱古力all the way!

至於節日限定的「聖誕濃情下午茶」則由即日起供應,用充滿聖誕氣氛的金色聖誕樹托盤盛載,精緻程度爆燈,約埋朋友打咭就最好不過。店內亦有不少應節的朱古力禮盒,樣樣都好味又presentable, 食完tea再順便掃埋聖誕禮物,就這樣度過開開心心的下午。Chocolate makes you happy…it’s so true!!!!

Godiva Chocolatier 時尚生活咖啡館
元朗元龍街9號形點1樓1043A號舖
(西鐵元朗站exit K)