香港最多就係一式一樣的高樓大廈
想個婚禮特別得黎又有香港特色
係船上搞婚宴都係一個唔錯的IDEA
當然,唔係叫你去遊輪搞咁富二代啦~
而係可以考慮呢艘位於沙田城門河三十幾年
富有香港特色,甚至係沙田地標的畫舫
Club One 水中天
ClubONE水中天位於沙田城門河畔,建築外形有如一艘中式酒樓石舫
石舫已娙有三十幾年歷史,並且成為沙田,甚至香港的一個地標建築
以前係高級食府黎,黎呢度飲茶係好富貴~
2018年6月重新裝修重開,成個場既設計同好啱新一代對婚宴的要求
今日適逢水中天的婚宴OPEN DAY, 就帶阿女去參觀~
水中天共分為地下,1 樓同2樓
而OPEN DAY 就設係2樓
星際
星際的格局以繁花為題,門口已經見到一大串的花由天花頂直垂而下,彷似花雨從天而降
而入面的BACK DROP 背景亦花團錦簇,好似一個小型花園咁
簡單加上一對新人既名已經係一個好靚既影相位
呢個台可以擴大同縮細架,多親戚朋友既就可以擴大個台齊齊上台影相
少人既,可以縮減一半,令台下的空間感更大架~
成個場都無遮無擋,一眼望到尾,如果圍數唔多既,擺2行,中間有勁寬闊既空間
March in 夠哂位,想點玩都得~
如果真係超多親戚,可以擺一行3圍,總共可放到59圍架~
真係成村人黎都坐得哂呀~
如果無咁多人包哂成個場,都可以包半埸架
另一邊同樣有齊哂Backdrop可以做婚宴場地架~
而且一層有2個新娘房架,包全場的話可以用哂2個架
新娘房無限大啦,仲要有2邊間方便大家走動,進場,非常貼心~
如果係呢個廳擺酒,仲可以係空中花園行禮添呀~
空中花園係最高的3樓~
一行上黎見到呢D咁歌德式既教堂建築已經嘩然
估唔到係一隻咁有歷史既船上會有呢D裝修
係度拍韓式婚紗相超襯的~
呢度取景,可以當拍多輯婚紗相呀,仲可以用作朝拍晚播~
一個琴,一個尖拱門,已經可以拍出無限靚相~
由呢個拱門走出去就係180度無遮無擋的証婚埸地啦~
係呢個碧海連天的環境下,許出一生的承諾,真係既浪漫,又感人呀~
水中天係全新裝修,就連樓梯位都好有睇頭架~
而且仲有2部電梯直逹各層,唔驚老人家行到攰啦~
]
1樓的格局同星海差不多,但就換上了另一個主題設計
銀海
以翠綠植物花園作為主題,加上粉綠的室內設計
成個場都瀰漫著清新的田園氣息
就連大廳內的吊燈都以綠白為主,配合成個場既主題,有夠心思的
對於鐘情清新婚宴的新人呢個場就適合啦~
銀海同星海一樣都可以租全場或半場架
唯一唔同係 銀海的證婚場地就係畫舫對出的證婚花園
呢個花園除左可以係河畔證婚,飽覽整隻畫舫外,仲可以容納更多人數
仲可以係度舉行午間婚宴自助餐
燦爛陽光,加埋呢d戶外滕屋既設計,好有熱情風情,好似去左峇厘島行禮咁喎~
至於只想細搞的新婚朋友,呢度既地下都有幾個細廳可供選擇
有一個可擺放10圍的珊瑚廳~
以粉藍白色為設計,加上郵輪式窗口設計,好似去左郵輪搞婚宴呢~
甚至2-3圍既可以包個廳架~ 一家人食下飯,開心下,夠哂私隱~
另外場地亦提供逾室內及室外逾百個車位,滿足各位來賓的泊車需要
Open Day 當日除左參觀左各個靚靚既場地
現場仲有不同的婚宴公司同折扣優惠
由美容到回禮到婚禮服攝影佈置……… 諗唔到既都有呀~
好似 Lilian Bridal Accessories 除左有各種手製飾物外,仲有呢D咁靚既花扇
原來近年流行係等新郎時要手執一扇架~
呢D花扇款款都由店主親手做,超級靚,拎住黎影相真係生色不少
阿女都拎住唔捨得放呀~
現今,回禮禮物已經成為婚宴必備
想高貴得黎又有用,呢D禮盒裝既中國茶就最啱啦
唔單止包裝高貴精美,仲可以沖番杯香香的新抱茶飲添
飲過新抱茶,富貴又榮華嘛~
往時去飲,往往坐到九點先開始
傾計都傾唔到咁多啦,等到好鬼悶架
原來依家在婚宴可以設一D工作坊俾來賓參與
仲可以為新人度身訂造一D有紀念價值的手作作為小禮物添~
臨走時,記得係呢張咁有紀念價值的龍椅度影番張相打咭呀~
文章只屬個人意見,只供參考
如要聯絡本人,請電郵至: smonkichi@hotmail.com

 
Click here for my sharing platform :