卸妝的產品有好多,有油啦,有水啦,有油溝水啦,仲有卸妝棉
不過我今日介紹呢款卸妝,唔係以上個D
係卸妝膏~~
Cyber Colors 
零油感速溶卸妝膏
MELT AWAY BALM IN OIL 
呢款係一款含多種天然成份而成的卸妝膏,內含發酵植物油,油菜籽及米胚芽油等
可以溫和而又極速咁溶解面上的殘妝,污垢及污染物
此外,仲加入左蕃茄,可以美白,濟洲馬齒莧可以舒緩及鎮靜肌膚。
最重要係不含PARABEN,防腐劑,滑石粉,界面活性劑,礦物油以及鄰苯二甲酸鹽
話明係膏狀,佢係罐入面都係成舊膏黎
(不過儲存時要小心唔好放近熱既地方,我怕佢會溶呀)
卸妝膏雖然似豬油膏,但佢有淡淡的清香架~
係面上按摩時都係一種享受黎~

 

呢舊好似豬油膏咁既BLAM,好滑,好易推開
加水後會乳化成白色液體流走~
卸妝時,取適量的BLAM 係面上按摩,佢就會將你的妝極速溶掉~
就連眼妝,防水眼線都可以照溶無誤呀~

 

當你感覺到D妝都溶哂了,就可以加少少水打圈,但唔好直接沖水呀
因為加水後佢會乳化,變成水咁流走
呢個乳化過程好重要的,佢會幫你將所有污垢同油份都帶走哂~
之後再沖水,就會發現面部皮膚非常清爽
一D都唔似用油黎洗過咁
但佢又唔似平時清潔後咁乾,洗過的皮膚仲KEEP住好柔軟~ 唔會緊繃~
甚至,唔使再用其他潔面產品了~
就係咁簡單,只要用卸妝膏按幾下就可以輕鬆卸妝啦~

 

對於每日咁繁忙的上班一簇,卸妝是一種好花時間及功夫的程序
尤其當你放工回家後,身心已十分疲累,還要慢慢花精力去卸妝,
有時,真係想偷懶唔卸架~
但若然唔卸妝,或馬虎清潔,最終受害的還是自己皮膚
所以,絕對要放罐Cyber Colors 零油感速溶卸妝膏係屋企呀~
特別係呢個咁寒冷干燥的秋冬天氣~
以上產品於莎莎獨家發售
此產品及資料由公關提供
如對產品有任何疑問,可直接聯絡品牌查詢
文章只屬個人意見,效果因人而異,只供參考
合作.邀稿請電郵至: smonkichi@hotmail.com