波仔係奶粉BB,因為媽咪冇奶(同埋種種家庭因素…)不過波媽覺得,如果餵到人奶固之然係好事,餵唔到,亦唔需要太過自責,因為而家嘅奶粉已經同人奶好接近,營養好豐富,BB成長一樣係會好健康同埋開心㗎~波仔最近就食緊呢隻荷仕蘭 Hoeslandt 3號仔。

其實荷仕蘭 Hoeslandt呢個品牌有咗好多年,80幾年前已經喺歐洲創立品牌,嗰陣主要為二戰後難民同埋小朋友提供營養,漸漸發展成為BB奶粉㗎。荷仕蘭採用紐西蘭奶源,研發建基於營養學、遺傳學、生理學、免疫學,好全面!而佢哋嘅配方亦係好貼近母乳營養奶粉,彌補咗波仔冇母乳嘅錯失啦。

紐西蘭,聽就知道冇污染,乳牛喺嗰度長大,奶質一定唔會差!而唔知係咪因為香港已經成為奶粉最搶手嘅地方啦,品牌喺2018年,推出「OPG天然舒營基因組合」嬰兒配方奶粉,專門針對香港BB體質同埋饍食標準奶粉,親如人體。波仔貴為香港BB,當然係卻之不恭啦~

四歲嘅波仔早晚都飲4~6安奶,但佢就成日話係BB仔先會飲奶奶,每次飲奶,佢都話佢而家要做番個BB仔(唔係BB仔個陣佢話自己係大哥哥…)專咗飲荷仕蘭 Hoeslandt 3號仔好一段日子,第一個感覺係佢嘅奶粉都好幼細,一沖即溶唔會起一舊舊,唔會太多「泡」,應該少咗胃氣呢個問題(波仔大個仔唔駛掃風啦。)至於便便,波仔就一向都係個「直腸直肚」之人,加上佢每日一個橙同香蕉,所以就冇便秘問題。不過都留意到啲便便顏色冇咁深色,我估就因為呢隻奶粉唔熱氣!

咁大個仔仲用奶樽我都覺得好搞笑,不過波仔話係BB先會飲奶奶,而奶奶一定要入奶樽佢先肯飲,哈哈,呢個細路仔啲強迫症應該係遺傳自媽咪我本人(笑)其實開開心心健健康康成長係我嘅目標,一直以來我都冇玩咩認字卡copy book之類,育兒之路好漫長,唔需要太過擔心呀~

 

荷仕蘭 Hoeslandt
https://www.facebook.com/hoeslandt/

 

 

**產品/產品資料由品牌提供,真心分享,但畢竟大家DNA不同,效果因人而異。歡迎電郵查詢。

 

ngayiellie@gmail.com
http://www.facebook.com/popcornellie
http://instagram.com/popcornellie
http://popcorn-express.tumblr.com