一年一度父親節 當然唔可以馬馬虎虎
既可以同辛勞既父親大人食餐好 又可以借口食好西
帶著兩老 近近地去一轉大埔中心 其實也有不少選擇
呢間Olive Cafe其實想試好耐 正好提議試試




白色既西式裝潢設計 雖然坐位間空間感不太足夠
不過勝在氣氛恬靜 一家人可以溫馨地享受晚餐時光

點了兩個set 上主菜前先有前菜香煎芝麻吞拿魚配香芒沙沙

賣相不算特別 不過味道頗鮮 拼上帶點甜酸既香芒汁更見突出
口感細滑軟腍 雖然未去到入口即刻會哇哇聲 不過算有驚喜

紐西蘭西冷扒配青胡椒汁

餐廳預設是medium rare 不過兩老都不喜歡太生 所以點了7成熟
賣相不錯 西冷扒亦算厚身 雖然是7成熟 不過肉質都唔算太老
食落肉質軟滑有濃郁肉味 肉汁豐富不油膩
食時沾埋青胡椒汁 口感更為特別

德國蜜糖芥末烤鹹豬手

份量頗大 上枱時香氣迫人 不過略嫌外皮有點過火 可是食落仍算香脆可口
沾上 蜜糖芥末醬汁味道更為一絕 不單可以去除豬手既油膩感 而且更可提升豬手鮮味
薯條炸得香口爽脆 而且厚身大條 食落口感豐富

牛油焗帶子配蒜香意粉

帶子鮮味出眾 加埋蒜蓉香氣更是吸引 不過略嫌意粉跟帶子配合得不太好
味道相併起來亦不算突出 有點可惜

Olive鮮果茶


鮮果份量不少 用上火龍果 香橙 士多啤梨切粒 果味香甜又帶點微酸
飲落仲有陣陣清淡既茶香 實在非常讚

Olive Cafe
大埔安邦路9號大埔超級城A區地下012A舖

就此,謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
https://www.facebook.com/natalieccdevoyages/