家人一向喜歡品嚐海鮮 尤其是蟹 正好又是蟹既當造時節
於是來到朋友介紹既博康熟食中心搵食

呢間鱻潮手工私房鍋最近推出左潮極上蟹宴 仲有其他以蟹為主題既菜式

 

除左小菜類私房菜 仲有火鍋可以簡 種類都唔少
見到隔離枱都點潮極上蟹宴 n_cc當然唔會錯過

蟹宴包左凍蟹兩隻 

凍蟹造型吸睛 蟹不是很大隻但很鮮甜  

蟹肉味美而且豐富多汁 雖然不及膏蟹般多膏 不過可觀程度亦不容忽視
雖然味道清淡 不過作為前菜實為不錯

星洲胡椒蟹

上枱時濃烈胡椒香氣撲鼻
蟹螯都頗大隻 蟹肉結實 食落有啖啖胡椒辛辣
味道強烈之中帶點惹味 層次十足
雖然胡椒味道強烈 但無礙蟹肉新鮮甜美 令人回味

蟹油炒菜

標榜用上蟹油炒成 香氣迫人 鑊氣十足
食落有啖啖蟹油香 油而不膩 單用來伴飯也可以

籠仔荷葉蒸蟹飯

用上蛋炒飯托底 炒飯味美粒粒分明 軟硬適中
蒸蟹後蟹汁滲入飯內 食落淡中帶濃 入口甘香 滲透淡淡蟹鮮味
加上荷葉既微微清香 配合切碎既蔥蒜 味道一絕

蜜糖薯仔安格斯牛柳粒

牛柳粒軟腍肉味香濃 薯仔粒切得精緻一口一粒 薯仔粒都炒得好夠鑊氣
先油炸後沾上蜜糖混合牛柳粒一併再炒 味道不過不失

鹽油水花甲粉絲煲

油鹽水是漁家菜常見的煮法 簡單調味就已經可以突顯出食材既鮮味
蜆既鮮味完全表露無遺 雖然菜式簡單 加上粉絲 將湯既鮮味盡吸 食落啖啖都是精華

一品豆腐鍋

意想不到滿滿一鍋海鮮 用料不少 啖啖海鮮已經好吸引
湯底加上豆腐吸收了濃濃海鮮香味既湯汁 非常鮮美 用來佐飯實在一流

鱻潮手工私房鍋
沙田博康邨熟食市場8號舖 

就此,謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
https://www.facebook.com/natalieccdevoyages