跟長輩食飯 中菜永遠都是無敵 長輩們永無say no
正好姨姨到來 一行五人又可以試試新菜式
剛好家中附近既海港薈早排重新裝修後重開 
於是浩浩蕩蕩一行五人去一試究竟

裝修後既海港薈裝潢華麗 但不失平民化
即使當日是六點多既星期六已經有好多人在排隊
等了大概廿分鐘左右就可以入座 不算太耐
一行五人 點了五樣 有飯有菜有肉有海鮮 尚算豐富
黃金炒飯 
以雞蛋炒飯底為基礎 炒飯配料不算多不過亦不算少

有小元貝 粟米粒 翠肉瓜 蟹籽以及香蔥粒
炒飯食落乾身香口 香味不算特別強烈 味道亦不算濃味 不過不失
蜜味燒豬肋骨 賣相不錯份量足 食落甜甜地非常惹味 

豬肋骨肉質軟腍香口 外脆內軟 滋味無窮
瑤柱鮮菇燴海參 鮮菇炒得爽口唔油膩 瑤柱味香

海參口感爽滑彈牙 炆得軟腍不過就不算太入味
鮑魚小炒皇 用上充滿咸香嘅蝦乾 鮮蝦肉 菜甫 西芹 腰果 蒜芯 最後加埋原隻鮑魚仔

平民中不失貴氣 惹味撲鼻 送飯、佐酒一流之菜式
不過略嫌鮑魚仔未夠軟腍入味 整碟味道偏重
蔥燒牛仔骨煲 蔥香惹味 牛仔骨算是腍滑 不過可惜味道未到位 有點可惜

五人行食了大概七百多 以呢個價位酒樓質素來說算是對得住
平心而論食物質素並不是每一味都好 水準有點不一

海港薈
大埔南運路9號新達廣場2樓101-102舖 

就此,謝謝喔~
Blog link: http://natnataliecc.blogspot.com/
Email: natalie_911999@yahoo.com.hk
https://www.facebook.com/natalieccdevoyages/