janicemakeup | Explore More

港九美食巡邏

  我地workshop同事除左係shopping精, 仲係為食鬼,經常周圍去搵好野食, 我自己本身都鍾意周圍去試新野,當然都有中伏既時候, 今次會介紹幾間最近去食過既店(都有啲唔係新既), 西式、日式、韓式、甜品都有, 究竟有邊啲係好食?邊啲係中伏? 快啲拉落去睇下啦~   ~LAM LAM 脷 篇~     店名:I Cremeria 地址:銅鑼灣記利佐治街11-19號名店坊1樓     首先帶大家去左食甜品先啦, 女仔就最鍾意賣相靚既食物,尤其係甜品, 對於女仔黎講,就算正餐食到幾飽都會有第二個胃容納, 一個又靚又好味既甜品就更加唔可以錯過! 前排名店坊新裝修後,除左有log-on加盟, 仲有門口隔間既呢間雪糕店,新開張正日咁岩經過就試左喇~       雖然佢個原個蜜瓜芭菲真係好吸引(真係用一...
Category: 飲食

我的最愛食品

今次就同大家介紹一下我鍾意食既, 近排我買左幾款唔同既零食,連workshop同事都覺得好食! 又試左款紅酒,唔識飲酒既女生都覺得好易入口, 同埋我都會自己喺屋企燉糖水,喺宜家咁乾燥既天氣滋潤一下。 鍾意食野既你地就一定要睇下我既心水推介啦! 水泡餅唔係好多地方都會有, 平時超市賣既都好硬,食完好乾, 不過無得揀之下我都會間唔中買黎吊下癮, 我自己本身好鍾意食呢類粉狀既零食, 好似係之前介紹過既糖,都係粉狀。 最近就比我喺荃灣南豐中心地下搵到一間賣呢類零食既店, 我見到有水泡餅就買左啦,不過初時未試過就唔敢買太多, 返到去試完之後真係好覺得好好食! 佢呢隻既水泡餅好鬆脆,唔硬,又唔乾, 係幾年來食過最好食!可以encore再去買! 而且呢度既懷舊小食價錢都好...
Category: 飲食

尋回日本味道的壽司店

一提起日本美食就令我聯想起「壽司」, 唔知你哋會唔會同我一樣, 每隔一、兩個星期就好想食壽司, 但總係覺得香港嘅壽司係同日本個邊食嘅唔同, (就算搵到日本味道,價錢又好貴) 最近居然比我無意中發掘到一間價錢又唔貴, 又食到日本味道嘅壽司, 所以我就急不及待同大家分享下啦~ 我所講嘅就係呢間壽司之神啦! 一入到去睇完menu, 再睇到廚師台上有咁多新鮮嘅刺身, 我同朋友唸都唔唸就決定叫1.廚師發辦壽司個set啦~ 一落咗order就會有一個沙律, 味道都OK。 第一件:生八爪魚壽司 (師傅話呢款壽司比較少見, 平時我哋食開通常都係熟嘅八爪魚) 第二件:左口魚壽司 食咗2件壽司,就上蒸蛋啦~ 原來佢哋係等我哋落咗order之後即蒸嘅~ 好滑好味呀! 第三件:立魚壽司 (係咁多款...
Category: 飲食

家用麵包機

唔知大家平時有無係屋企整下野食呢? 太高難度既菜式我就唔識整啦! 平時我就鐘意係屋企整下簡單既小食, 整完個製成品就會覺得好有成功感架啦, 而近年就好流行玩家用麵包機, 可以係屋企DIY唔同款式既麵包, 操作亦都非常簡單, 岩曬我呢啲懶人用! 今日就等我示範用麵包機整款核桃麵包比大家睇下啦! 先帶大家睇下呢部麵包機既真身先, 外形四四方方,唔算太大部, 不過都幾重身! (其實市面上仲有好多唔同牌子選擇, 大家可以跟據自己鍾意嘅外型同功能去揀啦!) 入面會附送埋食譜、磅、量杯同湯匙。 《材料》 水:250克 砂糖:20克 鹽:5克 奶粉:8克 牛油:10克 高筋麵粉:330克 酵母:5克 《製法》 Step 1: 先係主機取出麵包桶 Step 2:a)先倒入水同液體材料(請預先量度好份量...
Category: 飲食

令人驚喜的小店

講起九龍城,大家一定諗起泰國菜, 但係今次我就想同大家介紹一間“小店”。 無錯!餐廳名叫“小店”,但實際上店內面績一啲都唔少, 仲好闊落添,其實小店有兩間鋪位, 另一間就正正喺對面街,果間就真係比較小一啲嘅。 上一次我係去細鋪嘅,已經係好幾年前嘅事喇, 今次就嚟到大舖試一試。 呢度裝潢唔算好靚好特別, 但都有啲掛畫,門仔,街燈,有少少歐洲feel嘅。 今次朋友點咗一個set dinner, 依文士燴羊扁意粉, 我叫咗煙三文魚忌廉汁意粉, 再另加牛油薯茸菠菜焗田螺同澳洲生蠔。 呢個牛油薯茸菠菜焗田螺真係好魔鬼! 減肥人士食咗有無限罪疚感。 對住超香嘅牛油味薯茸,我完全抵抗唔到。。。 平時對菠菜零興趣,夾埋薯茸同田螺食都幾OK。 初初見到呢個包平平無奇, 只係同平時西...