最近經常有人討論香港餵哺母乳空間不足嘅問題,因為唔係個個商場都有哺乳室,媽媽喺公眾場所哺母乳又可能受到歧視,真係做人媽媽甚艱難呀!

 

餵母乳咁辛苦,點解仲有咁多媽媽堅持呢?有人話喺母乳同初乳中好多成分都係上天賜畀BB嘅最佳禮物,因為其實母乳有好多成份例如乳脂球膜(MFGM)同乳鐵蛋白,可以增強小朋友嘅消化系統、提升認知能力同腦部發展,做媽媽當然想畀最好嘅嘢小朋友啦!

 

有好多媽媽結完婚生完小朋友就留喺屋企做家庭主婦,餵母乳自然比較方便。不過年代已經唔同,事業型女性放完產假就要繼續工作,而工作地方又未必方便泵奶留返俾小朋友,又或者工作太忙,所以想餵都唔一定餵到。

 

睇完餵哺母乳有咁多好處,希望日後媽媽喺公眾場所餵母乳唔會再受到歧視,同埋多啲公司加設泵奶房啦!