下面妹妹那裏有問題-惱人的陰道炎(困擾異味)

未命名

最近睇左來自台灣ge保仁醫生一篇文章,保仁醫生話係幫學生上堂個陣,成日都教佢地:婦科門診不外乎-肚痛(經痛)、月經唔黎、分泌物(太多、太少)等困擾,仲有而家女性意識抬頭,性愛問題都係被詢問重點( 保仁醫生話:相信我,以前女性係因為做愛唔舒服先就診,而家係…唔夠舒服…就會黎問!男士們,大家要自強了),而今天就同大家討論下惱人ge陰道炎啦…

【保仁醫師,我最近分泌物比較多會癢,而且..我男友話味道唔太好聞..
呢個係門診成日會聽到ge問題,其實陰部真係有好多小狀況,以下分基礎篇同感染篇、QA篇同保養篇與大家分享…

基礎篇
首先了解,陰道係一個開放ge環境。嗯… 我意思係佢有對外ge開口,定期又有月經ge清洗(其實係細菌滋長ge好時候)、耐唔耐可能有不速之客黎騷擾、有時候附近鄰居(尿道、肛門口)一時不察,有d細菌蕩失路黎左陰道做校外教學,咁就出事啦…

陰道入面同人體腸道一樣有d維持正常健康ge有益維菌叢,呢d菌叢又以乳酸菌(Lactobacilli)為主,乳酸菌平時擔起警察ge角色,佢地會分泌出一d對抗有害菌ge物質,令陰部保持健康。如果成日沖洗陰部,呢d有益乳酸菌會被沖走,就好像冇警察,壞菌當然會橫行。

自然狀態下,婦女隱私部位有葡萄球菌、大腸桿菌、杜德林氏桿菌、乳酸桿菌,其中乳酸桿菌令陰部保持係pH值4.0或更低,係維持隱私部位正常生態ge大功臣。
乳酸菌存活係我地腸道、陰道中ge有益菌,當壞菌入侵人體個陣,佢會肩負起保護身體ge責任。但如果陰部pH值偏鹼,就會變成有利害菌生長,所以維持好乳酸桿菌ge平衡狀態對女性隱私有極大益處。

多數陰道分泌物屬於生理性分泌物,俗稱生理性白帶,咁咩係病態或病理性分泌物呢?
就要參考以下判斷三原則

1. 分泌物顏色:如果係黃綠色,好似化膿般咁ge顏色,或者係乳酪狀混有黃或綠色分泌物(呢個就係傳說中ge黃帶、綠帶,仲有一種赤帶,即係有血啦)

2. 味道:魚腥味或者過度酸或者好似壞左ge蛋

3. 癢或刺痛:如果係黴菌感染,通常比較癢(諗下香港腳發作個陣…廣告怎係點講…);如果外陰有傷口就可能會刺痛,但係千祈唔好用熱水猛泡、猛抓,保仁醫生指:相信我…門診真係有幾乎被熱水燙傷,同抓到流晒血ge女士。

常見ge感染有邊幾種呢?
好似保仁醫生曾經係談話性節目講過,教育討論ge係【常態】,但係社會媒體要討論ge係【變態】,呢篇係一篇教育文,所以提出最常見ge幾種病菌感染,一d匪夷所思或多數安分守己ge美女們唔易遇到ge,今天就唔介紹。
一般常見ge陰道炎可分成三種:黴菌性、細菌性及滴蟲性陰道炎。

1. 黴菌性陰道炎:使用抗生素、糖尿病令陰道糖份增加、懷孕、免疫不良、衛生習慣不良、陰道潮濕溫暖、衣物溼潮、褲子太緊、唔透氣ge legging,以上都係容易引發ge條件。

2. 細菌性陰道炎:最常見ge陰道炎,性交頻頻密或者成日沖洗陰道係主因

3. 滴蟲性陰道炎:同性行為有關,所以建議性伴侶一齊治療,避免乒乓傳染,
甚至泡溫泉都有幾會中獎。

其他請參考附表
ads

常見QA
1.  衛生巾使用要注意?
(1) 勤更換,記得溫暖潮濕環境係細菌孳生ge溫床
(2) 吸收量、包覆性甚至味道等,就依個人喜好

2.  衛生棉條使用
(1) 係國外因為對自己身體較熟悉,而且佢地較注重運動及社交活動,唔希望因為月經影響運動及活動,所以使用率相當高,台灣目前使用率都有逐步提升趨勢
(2) 冇性經驗都可以使用(有處女型)
(3) 記得要拿出來…否則..後果自負。

3.  陰道內沖洗可以嗎?
(1) 西醫ge立場並唔鼓勵,就好似基礎篇提到:中性pH ge水會破壞酸性陰道環境,但都唔好自作聰明,用醋黎沖洗… 保仁醫生:相信我,真係唔好好d..而且會破壞我們食水餃ge感覺的..

4.  男伴要一齊治療嗎?
(1) 門診成日被問到,講真多數要男伴配合,可能要熄火一排,齊齊注意衛生習慣,有d都係要一齊治療。
(2) 都係回歸一句話,【安全性行為】,慎選良人..

結論及保養篇
女為悅己者容,呢個年頭女士們對自我ge要求由心理、外型甚至延伸到陰部不為人知ge部分,但係請大家以平常心保養即可,唔好成日疑神疑鬼,冇病都變有病。以下簡化條列比反各位靚女們參考啦!

1. 預防重於治療:保持局部清潔衛生,可以選擇女性陰部適用ge弱酸性清潔保養品
2. 少著過緊ge衣褲、避免用灌洗液灌洗陰道
3. 維持單一性伴侶,保持良好衛生生活習慣
4. 經期間勤換M巾,保持局部乾燥清潔
5. 平時生活要規律,避免熬夜以免免疫力降低
6. 唔好擅自服用抗生素,以避免破壞陰道正常菌種ge平衡;適當ge益生菌(即係酵母菌、優酪乳)補充係有助改善,當然對腸胃道便秘困擾,泌尿道感染都有改善
7. 感染治療最好就醫治療,唔好自行用藥。
8. 患陰道炎及經期時忌食麻辣生冷食物(例如蘿蔔、白菜、竹筍、酸菜、西瓜 冰、油炸物),即係中醫俗稱ge寒性食物,簡單d講…麻辣火鍋同掃街係治療期間就請自行閉關。

本文轉自姐妹淘網站
保仁醫生:下面那裏有問題-惱人的陰道炎