唔知大家係咪同我一樣,自從食過Garrett爆谷之後,好似返唔到轉頭,每次食返戲院賣的爆谷就會想念著Garrett的爆谷,有時去睇戲更會悄悄帶包細包的Garrett入去嘆。

說實在,Garrett爆谷味道好濃、好飽滿,而且粒粒都係咁均勻同味道一樣,每一粒都唔會令人失望,價錢都好合理。你想唔想知點解Garrett爆谷咁好味?早幾日我去了Garrett event,品牌Vice President, Lead Chef Global Innovation 的David俾左答案我。我好想同大家分享,因為當你知道多啲關於呢粒爆米花的故事,你會更鍾意Garrett,好可能會食更多!

1/ 非基因改造

來自美國芝加哥的Garrett只專注賣爆谷,因此都特別著重爆谷的質素,所有爆谷都是用非基因改造的粟米製成,也是gluten-free,健康飲食人事可吃得放心!

(Photo from Garrett facebook)

2/ 用氣炸非油炸

重點!Garrett的爆谷是用氣炸方式製成,所以是 油的!!!平時在戲院買到的爆谷,99都是用油炸,熱量高許多呢!而且,氣炸方式製作時間較油炸更久,每一粒粟米都要成功爆到先會跌出氣炸桶,所以你食Garrett爆谷時絕不會吃到沒爆開的粟米籽。

3/ 蝴蝶型和蘑菇型爆谷

這個就是最originalGarrett爆谷,味道是非常淡的。原來Garrett爆谷爆出來會有兩種形狀,左邊那種是蝴蝶型,右邊那種是蘑菇型。

4/  每天新鮮製作

每間Garrett爆谷店的爆谷都是每天在店內新鮮製作,絕不會留過夜,確保你買到的都是最新鮮的爆谷呢!

5/ 點解朱古力味會加在焦糖爆谷之上?

如果你本身都好鍾意食Garrett的爆谷,強烈推介大家買宜家至聖誕推出的Seasonal 口味黑朱古力焦糖脆脆!黑朱古力焦糖脆脆簡直係邪惡軸心呀!

(Photo from Garrett facebook)

因為佢係喺本身的焦糖脆脆上面再加上濃郁的比利時朱古力!可能你會好奇,點解唔係就咁朱古力脆脆而係要焦糖脆脆on top加朱古力?我問咗David,佢話因為佢哋嘅朱古力如果直接加上爆谷上會令爆谷變軟,就少咗本身那種口感,宜家食黑朱古力焦糖脆脆,首先會吃到朱古力的甜味,跟住會有焦糖脆脆的咸味緊隨其後…救命,寫到呢度我不斷吞口水。

留意返,黑朱古力焦糖脆脆口味賣到1231號就會停喇。

感謝David拆解了garrett爆谷的美味謎思!

同場加映:

現在Garrett已開始賣聖誕優惠裝,非常適合與好友聚會時一邊吃爆谷一邊聊天/打機/睇碟!我最喜歡今年聖誕推出的限定聖誕繽紛疊樂罐,三層可裝上任選三種不同口味,而只要扭動罐身便可為卡通轉換造型。(HK$195)另外還有限定的聖誕紅綠罐和雪花罐。

聖誕優惠:任意買2桶聖誕限定罐,可以有9折,而買4桶聖誕限定罐,就有85折!

Happy share來到這裡完了,冇咩事我去食爆谷先喇!