HIFU~~ 我為HIFU狂!

HIFU HIFU HIFU。。。 人人好似已經為HIFU瘋狂,為咩呢?我本身對HIFU冇乜感覺,但當見到地鐵果啲燈箱十之八九都係HIFUHIFU 後,甚至有個廣告淨係見到條明星個口噴出 HIFU 呢個字,真係忍唔住要share 我嘅HIFU經驗,造福下女人,等大家唔洗尊HIFU為聖。我深信呢個世界,無一樣嘢係完美萬能,亦相信一山還有一山高。
 
HIFU其實係聚焦超聲波,原來代替傳統恐怖開刀拉皮技術。痛嘅,係勁痛嘅。我做過DOUBLO,直頭係痛到標S,以我所知,原因係為咗避免離頭唔好BURN,個治療師要出力用機頭係咁㩒我塊面,that’s why好似比人打咁痛,仲要冤夾酸。我亦都做過 ULTHERA,效果係好得嘅(last 1年最多),不過痛嘅程度超乎想像,我諗生仔都可能係咁上下,而且做完變咗豬頭成3個禮拜,想靜靜雞唔話畀人知搞過塊面都唔得。
 
價錢方面,ULTHERA比坊間HIFU貴成倍,有啲成2萬幾蚊一次,有啲雞啲嘅美容中心就1萬有找,但係講真,塊面嘅嘢,我唔會貪平,因為呢啲療程係有風險嘅,平價牌子肯定唔會搵勁嘅治療師幫你做,呢啲唔洗我講大家都知咖嘞。至於HIFU,什麼$980/100 發,$388/100 發嘅廣告,講完都唔知即係幾錢,咁我塊面要幾多發先夠做呢?TOTAL要比幾錢呢?於是,我去咗一間上市集團做一次HIFU~~($980/100 發),結果?一個字,嬲!! 100發只係做到右邊下腮腺位,做完係瘦架,但係咁另一邊呢?小姐,要做埋就再俾錢啦?面部下半截瘦咗,咁就一定要碌埋上半啦,估幾多錢?盛惠2萬!! 真的假的啊!真。驚人!真。劏人。上市公司等如有誠信?太天真。之後我上forum check 下啲評論,十之八九嘅美容中心都有呢啲板斧,有正評嘅真係少之又少。陷阱處處有,姊妹要睜大眼睇下邊間起碼無乜被投訴嘅先好去。


好嘞!咁俾人 『車』瘦咗下半,咁都要車埋上半架。有個celeb經理人friend見我有如此遭遇,就介紹我去一間聽都未聽過嘅CLIXXZ,位置係The ONE,咁得意?響商場嘅? Anyway, 既然佢話呢間OK,就去睇下咩料,反正呢個世界都係要信朋友,唔通信廣告咩?上到去,先知道完來係一間我認為係謝婷婷有份嘅脫毛公司嘅姊妹品牌,代言係JM喎。當Consultant 姐姐話我知原来佢哋係賣水原共生療程(一頭霧水),我即刻就想走,因為我。係。嚟。做。HIFU。架。佢捉住我同我解釋(心諗:你唔好埋嚟呀),話佢哋個療程其中一PART係勁過HIFUMDS,一邊提拉輪廓一邊激生膠原,而成個療程包埋肌膚水份強化同埋毛孔處理。。。其實我真係冇需要,但係見到啲療程前後對比相,啲人做完後望落去後生左5年都有,所以姑且試一次。結果係,真係見到塊面啲輪廓提升晒,蘋果肌升高,膚質變得有返彈性,最緊要係唔痛囉;仲有一個 『副作用』,就係皮膚水返,冇咗啲乾增增,毛孔係細咗嘅,真係幾正。
 
今次我真金百銀買咗一次試做,做完係忍唔住買咗個package,同以前嘅分別係,今次係自願,以前嗰啲係『放過我啦』嘅心態!但係我又點會無嘢彈呢?
呢間醫學美容中心響THE ONE,我淨係等電梯都等咗10分鐘,極無耐性嘅我,差啲想掉頭走。另外就係啲Consultant姐姐,太殷勤,真係太殷勤,我本人有啲抗拒,因為真係遇過懶好人嘅sales,結果要焗住埋幾皮嘢單,嗱,呢間係無嘅,不過我係唔太好殷勤呢家嘢啫。另外,呢個BRAND淨係賣一個皇牌療程(好似個啲雲吞專家咁),裡面包咗MDS(即係嗰個勁過HIFU嘅療程)+ PTLI(有水光槍效果無水光槍創傷)+ S2 (好多乜因子物因子加加埋埋可以收細毛孔同嫩膚),好處係透明度好高,唔駛估估吓最後要洗幾多錢,唔好處就係得一個療程囉,對於鍾意左揀右揀嘅人,可能會唔習慣,但係對於我呢啲要安心唔想俾人局買多於需要嘅人,就好啱嘞。價錢我覺得好OK嘅,因為除開每次都平過ULTHERA/水光槍/HIFU,所以呢個療程成為我呢排嘅心水之選。
 
剛剛做完第一次水原共生,要睇下之後有幾得至可以再SHARE。一個療程2個月做4次,每次都要做佢哋個部什麼720 scan genius,話係要MONITOR住個效果,MAKE SURE個療程有效喎,係就係有啲煩,但係出位吖,自我監察有冇效,未見過!好啦,反正兩個禮拜就知個療程有幾堅,到時再分享。