Ga Ki Nang (家己儂)…雖然小妹唔係真正既潮州人,但細個既時候已經成日抆衫尾同親戚去潮式茶樓同菜館食野!每次一食就唔停得口,食飽飽仲要嘆番杯功夫茶…諗起就開心啦!!! 今次好高興又可以同一班好朋友同PR去旺角新世紀廣場既百樂潮州酒樓試食潮州菜。 事不宜遲,一齊睇下小妹地食左D咩菜啦!!! 第一味為大家送上既係涼拌魚皮 (~$48)!!! 爽口既魚皮以惹味既魚露再配上薑絲、紅椒、芹絲等涼拌而成,美味之餘亦十分醒胃,正正為豐富既晚餐揭開序幕!!! 除左魚皮做頭盤醒醒胃,不得不提仲有秘製生醃螄蚶(~$48)添~~ 螄蚶鮮甜可口,而秘製醬汁濃度恰度好處,唔會搶走螄蚶既新鮮味道,而且有少少辣椒更加帶出螄蚶既鮮味!!! 去食潮州菜,小妹又點會錯過試下佢地出名既打冷名菜呀!!! 登登登登…...