昨天提到，明天我就會起程去泰國出trip工作，由於皮膚需要長時間化妝，所以兼具卓越護膚成分功效嘅底妝最重要，如是者，我精心挑選了以上5件產品，可以令皮膚滑溜無瑕。
心水Base：
Laura Mercier保濕抗氧打底霜(亮采配方)
Laura Mercier皇牌底霜出名潤而不膩、效果超貼薄，相信好多女性都親身感受過。
而呢款係2月初至新鮮出爐，與以往皇牌保濕抗氧打底霜foundation primer不同之處，是主攻「Radiance亮采」，打底乳液由故有透明色變成粉肉色，是加入了微細粉紅珍珠粉末，有效折射光線從而掩飾瑕疵細紋，塗上面帶點matallic的淡粉紅色光澤，自然地改善泛黄肌色，隱透健康光采。我最buy是oil free配方，質地清爽用得舒適，去到泰國天氣又熱又立都唔怕引致粉刺。仲有好幾種護膚成分可以高效抗氧化，如維他命A、C、E，對抗當地空氣污染。【$320】
心水Liquid fundation：
打好咗皮膚個底，上粉至會靚。搽咗LM新底霜，跟住係粉底液，我會帶備以下兩款：
最近極喜愛用的是以下這款，超級透薄水潤，打造通透美肌妝容—-
Alissi Bronte「透明質酸幼滑粉底液」
我在MORE專欄內重點推介的粉底新貴，俾足十個讚，西班牙品牌，打響有機植物護膚粉底名堂，敏感肌膚合用，巴閉在是西班牙電視台指定選用的「高清粉底」，備受當地明星及化妝師高度讚揚。感介乎精華素與乳液，水感十足，簡單以指尖塗抹，即能有效促進皮膚的柔滑質感、光澤及濕潤程度，仲有反地心吸力lift up輪廓效果；更重要是媲美護膚品功效，竟然能令皮膚愈用愈靚，不但沒有引致粉刺暗粒，皮膚仲更加滑溜。【$480／銅鑼灣皇室堡1樓103號店 3425 4002】
唔知點解，我出trip身體就會唔適應，經常食得多出得少，若然皮膚質素變差(如出粒粒)，就會用佢， 水潤得來較高coverage—–
cle de peau silky cream foundation 絲柔粉底霜SPF 20・PA++
請大家認定呢支外形，因為品牌出咗咁多款粉底，雖然都有化妝師讚好，但其實要有技巧至可以搽得靚；終於喺上年8月出咗呢支，我至會推介俾普羅大眾，因為零技巧都可以化到好好效果。粉底霜質地非常柔滑易推，唔易溶持久度極佳，最巴閉是加入「防止蜂巢油分」，至啱毛孔粗大皮膚用，唔會愈搽粉愈現瑕疵，仲有吸油粉末，可以減少油脂分泌，皮膚看來更細緻；當然唔少得我最關心的修護成分，是高保濕白百合精華及生物透明質酸等，可以填補乾紋。【$980】
明天再續……
———————————————————————————————————————————————
今個週未，我將於泰國渡過！
點解失驚無神會去泰國？是娛樂式工幹啊！多得舊公司《新假期》營業部邀請，促成今次這個有趣多fun的合作。
話說 DBS銀行 ，早前搞了一個簽賬抽獎活動，而得獎者只有一名！你冇睇錯，係得一名咁多，我自己也有點詫異，咁大間公司，搞個盛大活動，中獎名額只一個咁大把，唔係吓嘛？
點知，一聽到份禮物嘅震撼性，你就明白點解得一名已經好足夠。
原來該獎品係可以帶埋 120 位朋友連機票酒店，去泰國玩三日兩夜呀！確實有諗頭！
我聽完都窒一窒，surprise……咁筍！其實我都經常用DBS 咭瘋狂購物、豪歎美食…….希望下次得獎者係我啦，除咗搵朋友親戚們同行，必定會在blog及facebook廣邀讀者們搞個海外gathering呢！
By the way，我雖然並非得獎者，今次很高興也獲邀同行，陪同得獎者及其120位朋友一齊玩轉泰國，同樣開心。
至於我今次去泰國的目的，稍後會同大家詳細分享，這將會是一個特別之旅，我早在過去兩星期已經做晒功課，認真得好似變成旅遊記者一樣，務求去到泰國可以感受一個豐富又特別行程，回來與大家分享。
咁啱1月《新假期》有曼谷介紹，知道有幾個新開shopping mall，未去先興奮呀！
今次之旅特此多謝DBS銀行的細心安排，讓我帶多位朋友免費同行，卻令我非常難抉擇，因為枕邊人有大project不便遠行，而好友衆多，揀邊個好呢？結果是我的好友Jojo，她勝在交遊廣闊，泰國都有friend，有地道老友帶路的泰國之旅，肯定好玩、好食、好買，yeah！不過我最擔心都係泰國既陽光！（我居然唔係擔心泰國的洪水 -_-” ）
今次最大困擾是皮膚將會無得好好休息，因為我每天都要長時間化好全妝，day day都要影大量有關工作的相片。
最誇張係今個星期五要凌晨5：30到機場，進行兩小時拍攝工作，上飛機再影，即係話凌晨4點我就要起身梳洗化妝，搭的士趕去！！所以我已經book咗兩間beauty salon，在下星期一回來即做half day facial—-深層清潔、RF lifting、保濕導入，拯救倦容。
預告：
因為今次出trip皮膚要長時間化妝，所以兼具卓越護膚成分功效嘅底妝最重要，如是者，我精心挑選了5件產品，可以令皮膚滑溜無瑕，明天再續……
————————————————————————————————————-
上星期剛剛走台北一轉，話咁快又3日，開心時光真飛快，今日返來了！
她們是我台北之行的喪食穩膽，今次一行有12人，夠晒浩蕩。
多謝身邊呢位摯愛….為我安排這趟生日喪食之旅，試盡台北至hit食店。
今次，我入住台北現在被評為至新至hip的W Hotel，渡過我的生日週末…..本人正是樂天派人馬座。
出發前，即星期四那天，我在凌晨發文預告台北之旅(《MORE》個人網誌上)，星期五剛好中午十二點到達W Hotel，從發文到抵達，前後才十二小時左右。
當我在check in時，接待的職員便問道：「請問曾小姐是Yoko嗎？」因為我的護照上只有我的中文名及其英文拼名，並沒寫上「Yoko」，我也很自然的回覆：「是」，不過接著便猜想，為何會有此一問。服務員便立即補上：「我今天早上才看過你的blog呀，你說你今天會抵達W嘛，我們便立即翻查紀綠看看有沒有Yoko Tsang，可惜都沒有喔。我們都認為只有住客上的Ms Tsang是最有可能的，果然碰到你喔！」
嘩，實在太不可思議啦！這種他鄉遇故知的難度是比中六合彩的機會低一點點而已。然而，服務員又再說：「其實是我們的『孖襟』同事看到之後，通知我們前線員工的，我今早也有認真看過，很期待你的來臨呢。」
OK，雖然這位操流利國語、英文及廣東話的台灣帥哥Mike Han並非我的讀者，但W Hotel Taipei的「孖襟」同事也太厲害吧，在這前後不到十二小時的情況下，發現了我的文章，然後趕緊發internal circular，通知前線員工當發現這位來賓時，便說看到她的文章介紹，讓她有個難忘的假期！這麼周到的服務也太窩心吧！
可能大家也不知「孖襟」即是甚麼，我還以為只有香港式的英文簡稱才衍生「孖襟」一詞。「孖襟」就是marketing communication的簡稱。我實在很難想像，W的孖襟同事是否每日上班都在Google自己飯店的網上消息，以至一切其他最update的相關資訊，但能夠做到像W的話，的確是可以讓本身的服務更上一層樓，試想像，服務性行業就是用這種抽象的服務概念去取悅客人，過程上，W並沒有提供甚麼upgrade或特別招待，而其「待客之道」已經足夠令我的整個旅程添上難以形容的歡悅，甚至贏得我事後這篇稱讚的文章呢！
以下就是W 的房間設計，看過你便會發現，去台北，住W絕對是不枉此行。
浴室向來是我最關注的，這裏讚位是啡是那扇活動門，看看以下相片就知我讚乜……
打開活動門可以邊浸浴邊睇至愛的台灣電視節目《康熙來了》，爽呀！
我知世界各地W Hotel向來用bliss護理品牌，呢個brand質素咁好，所以我今行可以減輕帶來部分的日用品。
夠晒舒適的大床，day day行到凌晨仲要去party加唱埋K，旅程中又點少得佢幫我養番精神。
窗邊直望下去是色彩變繽紛的泳池景，巴閉在幾分鐘可以變身catwalk天橋，旁邊是洒吧，我當晚在這裏遇見佢……surprise
Guess who？裝扮咁奪目浮誇？
他就是，在W發現的驚喜！在上星期六晚的 party上，碰到我經常在《康熙來了》見到的台灣造型師 Enzo 老師，他當晚的裝扮贏得所有人的「歡心」喔！當我說我在康熙有看到他時，他開心的表情，就像早上W讓我發生的magic一樣！
後記：
Check out時才看到W hotel早餐buffet相當認真，可惜自己放棄權利無試添！煎火腿蛋的火腿絕非普通級數，竟然是即席在右邊片左邊煎。
仲有可以自己即製的爆谷同埋熱狗呀！—————————————————————-
