TIFFANY NG | Back to ELLE BLOG

人生,有時係可以有Take Two。

雖然唔喺香港,但仍然間唔中喺香港見到我,今次係喺ELLE HK四月號(右邊果個Tiffany Ng呀,我驚有人已經唔認得),睇嚟開展第二人生已經成為潮流,有興趣嘅不妨試吓,挑自己機係幾有挑戰性嘅。 而新果個Title,實在係唔簡單,而家真正知道腦細唔易做,仲要係One Man Band,仲忙過以前返工係咩玩法。新一頁,新挑戰,問題天天都多呀小丸子,多謝身邊一大班小玉嘅意見同支持,間網店好快出世!Dream in Progress,夢想進行中。
Category: 生活

呢個世界無你想像中的灰

我諗其實無咩人知道我嘅過去,作為正宗港式填鴨,細個嘅課餘時間指定活動就係補習、學鋼琴、游水、跳舞、水彩畫同油畫,但咁多樣嘢入面,我只係對油畫有興趣,可惜最早放棄嘅亦係油畫,原因係個社會話你知“藝術無價”,係好難賺錢,所以升上中學之後就被鼓勵唔好再學。 上星期佢哋喺毫無預料之下俾咗個驚喜我,媽媽神神秘秘帶咗我去佢學畫畫嘅畫室!開門見到係畫室果一刻,我係開心到呆咗,希臘人的浪漫可以好artistic。老師俾咗張海鷗相我畫,我心諗係咪玩我,成廿年無畫,突然叫我畫實物?! 會唔會難咗少少?無計,照畫,最多畫得核突得啖笑。 至於顏料,我話想要灰色,老師話我哋無灰色,要自己溝,好啦,係人都知黑溝白變灰,點知老師又笑笑口話黑色都係要自己溝,最後我只係得到白...
Category: 生活

認識多一種語言, 認識多一個世界

「認識多一種語言, 認識多一個世界。」 呢句說話我早幾年喺Facebook見到, 一直都覺得好有意思, 當時亦推動咗我去學日文, 雖然我永久停留喺錯談日語嘅程度, 但識多咗日文字, 又搭到兩咀, 去親日本旅行都爽好多, 遇到嘅日本人亦都分享咗更加多, 真心體會到共同語言嘅重要性。 喺希臘頭一個月, 只係靠英文同埋身體語言去溝通, 當然日常生活無咩問題, 但係唔係個個希臘人都識英文(旅遊區除外), 有時大家你眼望我眼, 除咗傻笑之外真係唔知仲可以點。 琴日我終於開始學希臘文, 之前去咗睇”Arrival”, 想同外星人溝通都要由基本字母學起, 所以第一堂就由呢24個基本字母開始(我覺得啲字母其實同外星文無咩分別), 除咗發音難之外, 最正嘅係好多同英文字母好相似嘅字母其實完全係另一件事, 好易...
Category: 文化

【新年長知識系列】Happy New Year! 希臘新年傳統蛋糕Vasilopita!

希臘人非常之咁重視聖誕節同埋新年,會聚埋一齊慶祝,今晚會夜晚11點先開始食晚餐(平時佢哋閒閒地都夜晚10點先食),一邊食一邊倒數,然後最重要嘅環節係,切開一個叫做Vasilopita,兼且攝咗一個銅錢嘅大蛋糕/ 批/ 麵包,象徵分享好運,邊個分到有銅錢果件就代表佢喺新一年特別有運行。 至於點解有呢個傳統,事緣希臘係無聖誕老人嘅,但佢哋有一位聖人叫做Agios Vasilis,(據聞佢身形瘦削,同肥嘟嘟嘅Santa Claus好大分別),佢會焗一啲攝咗錢嘅蛋糕,然後分俾有需要嘅人食(又食又拎咁囉!幾開心!)而呢位聖人嘅命名日係喺1月1號,所以希臘人會喺新年切呢款以呢位聖人Vasilis個名命名嘅Vasilopita蛋糕。 除咗Vasilopita蛋糕,仲有兩種聖誕節同新年限定嘅傳統食品,分別係白色嘅Kour...
Category: 文化

誰呃鬼我食埋食埋啲唔夠健康嘅乳酪?

自從三年前第一次去希臘,第一次食到真正嘅希臘乳酪之後,我先知道平時食埋食埋果啲喺超級市場買嘅膠盒仔包裝嘅乳酪有幾膠,再上網check吓啲成分同製造過程,救命呀根本上係同食化學物質無乜分別(個人意見啫)。 真正嘅希臘乳酪用新鮮羊奶(或牛奶)加乳酸菌再發酵,4公升的牛奶先製造到1公升的希臘乳酪,所以蛋白質含量是普通乳酪嘅兩倍、鈣質亦高三倍、雖然熱量比較高,但同時營養價值又高好多,我都係果句:“食幾多咪做返幾多運動去燃燒返啲脂肪囉”,最緊要食嘅嘢係有營養,食幾多唔係最大問題(再講:個人意見啫)。 喺香港好努力咁揾希臘乳酪,一見到寫住”Greek Style Yogurt”就以為執到寶,70幾蚊一盒都照買,食落個質地又黏又厚,又酸酸地又易飽肚,係佢喇!點知又中伏,原...
Category: 飲食