TIFFANY NG | Back to ELLE BLOG

人生,有時係可以有Take Two。

雖然唔喺香港,但仍然間唔中喺香港見到我,今次係喺ELLE HK四月號(右邊果個Tiffany Ng呀,我驚有人已經唔認得),睇嚟開展第二人生已經成為潮流,有興趣嘅不妨試吓,挑自己機係幾有挑戰性嘅。 而新果個Title,實在係唔簡單,而家真正知道腦細唔易做,仲要係One Man Band,仲忙過以前返工係咩玩法。新一頁,新挑戰,問題天天都多呀小丸子,多謝身邊一大班小玉嘅意見同支持,間網店好快出世!Dream in Progress,夢想進行中。
Category: 生活

認識多一種語言, 認識多一個世界

「認識多一種語言, 認識多一個世界。」 呢句說話我早幾年喺Facebook見到, 一直都覺得好有意思, 當時亦推動咗我去學日文, 雖然我永久停留喺錯談日語嘅程度, 但識多咗日文字, 又搭到兩咀, 去親日本旅行都爽好多, 遇到嘅日本人亦都分享咗更加多, 真心體會到共同語言嘅重要性。 喺希臘頭一個月, 只係靠英文同埋身體語言去溝通, 當然日常生活無咩問題, 但係唔係個個希臘人都識英文(旅遊區除外), 有時大家你眼望我眼, 除咗傻笑之外真係唔知仲可以點。 琴日我終於開始學希臘文, 之前去咗睇”Arrival”, 想同外星人溝通都要由基本字母學起, 所以第一堂就由呢24個基本字母開始(我覺得啲字母其實同外星文無咩分別), 除咗發音難之外, 最正嘅係好多同英文字母好相似嘅字母其實完全係另一件事, 好易...
Category: 文化

夏令時間正式開始!

希臘時間由今日開始轉做夏令時間,即係同香港嘅時差由六個鐘變返做五個鐘,感覺上近返好多呀! 呢幾日下晝太陽勁猛,見到好多人已經短袖背晒心咁,夏天呀夏天,好快就可以去遊島同游水喇!期待!  
Category: 旅遊

雅典春天長這樣

如果我話一返到雅典,就見到屋企花園開咗幾棵櫻花樹,呢兩日仲有櫻吹雪,會唔會太囂張。。。 呢度一呼一吸都係清新空氣,隨便亂望都係滿開嘅靚花,加埋個激藍天空同埋勁暖嘅陽光,只可以話雅典嘅春天係靚到低調不能。 今個春天,或者你哋會嚟希臘陪我賞花?
Category: 旅遊

唔係嘛,出一出街竟然見到。。。四季

登陸希臘已經超過一星期,但基本上我日日都係喺屋企入面活動,因為真係好凍,一早7點起身,可以係6.9度,簡直係無法移動。但係喺facebook同instagram見到大家不斷post啲紅葉相,我知道係時候出動去影吓紅葉放吓毒。 一打開門,吓?春天來了?周圍都係紫花同白花,行出啲睇吓,咦?夏天又來了?啲草同啲樹綠到呢。。。再行遠啲咋嘛,秋天再來了?點解咁多紅葉㗎?我好亂呀。。。亂到要去花園摘返一大堆新鮮檸檬同橙冷靜吓。。。 經歷咗春天、夏天同秋天之後,我知嘅。。。仲唔係冬天咩。。。太陽一落山(5點啩),全個世界靜晒,又黑又凍,全晚我都只係痴住個火爐生存。。。 除咗日本同韓國之外,希臘啲紅葉都好靚㗎,仲有好多唔同顏色嘅植物呀!除咗夏天嘅夢幻陽光與海灘,其實秋冬都好...
Category: 旅遊