TIFFANY NG | Back to ELLE BLOG

希臘手造咸/甜曲奇,Meringue,傳統糖粉杏仁餅

有海量inbox/ whatsapp messages 問除咗手造朱古力仲有咩推介,其實Karavan有勁多甜點,不過小人無能唔可以全部都帶到,最後老闆推介咗多幾款,最特別係白色果款糖粉杏仁餅,原本只係會喺聖誕節同新年製造,但由於我兩個摯愛A&S(呼之欲出)好想再食,所以老闆特別限量製造俾香港朋友。   - 全部handmade,形狀粒粒有少少出入 - 想了解多啲Karavan可以去睇佢哋嘅website: www.karavan.gr
Category: 飲食

【獨家】希臘handmade朱古力喺我掌握之中!

估唔到拎住部Samsung Note5手機都可以幫希臘最出名嘅甜點品牌Karavan影廣告相,手機攝影師呢個工種原來真係存在嘅!當然啲相唔係咩大師級作品,但都擺咗好多心機,以下係一小部分,仲有好多未公開得住。 Karavan係傳統老店,堅持全部產品handmade兼唔落防腐劑,佢哋最出名嘅係希臘傳統甜點Baklava,賣相同味道都好正,但比較甜,亞洲人未必個個接受到。另外仲有好多唔同款式嘅handmade朱古力同咸/甜曲奇,唔想講有幾好食,總之足料又新鮮又唔會過甜,粒粒都係朱古力/整餅姐姐誠意之作,自己睇相feel吓個味,我相信我啲相係4D有味嘅。 咪又投訴有得睇無得食喇,老闆俾我用優惠價幫朋友代購,話今次特別平同埋免運費,梗係啦,我親自人肉空運返香港呀!想買嚟自己食又好,當新年禮物又好,...
Category: 飲食

越活越有機,沉淪於Organic Flea Market。

[慎入!有洋蔥!係有機洋蔥相] 趁Green Monday講吓有機食品,好記得上年6月,我突然全塊面同頸出哂紅疹,痕到跳樓,要搽類固醇同食抗生素,醫生話我免疫系統有問題,加上當時情緒低落&壓力大,又成日食垃圾食物,自己又有貧血同埋濕疹底,又夜瞓,香港空氣又差,十九幾萬樣嘢加加埋埋,身體、皮膚同情緒都出現好多問題,醫生叫我食清啲食健康啲,但係身處美食天堂,叫我唔好打邊爐唔好食辣嘢好殘忍啫,而且要喺香港食有機食物係好貴囉。 不過嚟到希臘,由於全屋人都食齋,而且仲好講究食物嘅質素,只會買無防腐劑或者有機嘅食物,所以我嘅飲食習慣180度改變,想食零食?得Organic Dry Fruit或者Greek Yogurt咋,想飲咖啡?得Organic Concentrated Juice或者自己揸啲有機水果果汁啦,全屋...
Category: 飲食

閒閒哋食27 Kilo蜜糖

  上個禮拜食哂啲蜜糖,今日終於買返!27 Kilo有排食呀!大家都忍唔住即刻整返一兜My Big Fat Greek Yogurt with Honey做宵夜,但佢哋落咁多Honey,其實係Honey with Yogurt唔係Yogurt with Honey囉。 等你哋嚟一齊圍住食27Kilo!  
Category: 飲食

希臘人初次試煮米線,原來米線煮法如此多!

當我對米線嘅印象仲停留喺襯酸辣、蕃茄、麻辣湯底呢類咁陀地煮法嘅時候,估唔到屋企入面嘅希臘人可以將米線煮到圖中咁樣樣。。。 話說我上星期買咗一公斤米線,諗住可以食成個月,並且率先用辣粉煮咗個辣湯米線嚟食,非常之咁滿足。但係無手尾嘅我求其將大大袋米線放咗喺廚房,前幾晚俾媽媽發現咗,佢問我:“今晚食smoked salmon pasta好唔好?” 我即時話:“正呀!” 點知佢煮哂一公斤米線當Pasta!由於份量太多,食咗幾晚先食得唒,好彩晚晚都有唔同煮法! - 紅蘿蔔蕃茄芝士炒米線   - 煙三文魚忌廉米線 - 大白菜蕃茄配韓式辣醬炒米線   食後感:好有特式,好好味,但我份人比較傳統,我覺得米線都係配湯底最啱feel,所以下次我一定會收埋包米線自己煮。
Category: 飲食