TIFFANY NG | Back to ELLE BLOG

希臘復活節 – 不被遺忘的宗教傳統

身處於宗教色彩極濃厚嘅國度,復活節前被稱為Big Week (Μεγάλη Εβδομάδα)嘅一星期,見識到希臘東正教徒對宗教嘅敬仰同堅持。復活節假期,沒有吃喝玩樂,甚至仲忙過平時返工,早晚返幾個鐘教會,齋戒40日,不斷念經祈禱,少啲堅持同自律都做唔到。 琴晚Big Friday,紀念耶穌被定罪釘十字架,全城轉晒做Sad Mode,連教堂敲鐘嘅方法都變得好Sad。夜晚大約8點至11點,所有教徒都去教堂參加巡遊儀式,一班牧師舉起大大個十字架同埋象徵耶穌棺木嘅鮮花木枱,帶領教徒圍住教堂行一圈哀悼耶穌。 由於儀式係用古希臘話進行,唔好話係我呢啲外人,就連大部份嘅希臘人都唔明牧師講乜,但佢哋非常專注,儀式一開始,我見到嘅係全民大熄機,佢哋雙手舉起嘅係蠟燭唔係手機,雙眼望住嘅係...
Category: 旅遊

希臘復活節之紅雞蛋

復活節前嘅一星期,可以話係Big Week,幾乎每一日嘅早晚都喺教堂崇拜,而且仲有好多習俗,例如要齋戒40日,雖然我唔係東正教教徒,但入鄉隨俗,跟希臘人去過正宗嘅復活節,今次講吓啲紅雞蛋。 究竟點解復活節會有復活蛋?簡單嚟講,雞蛋代表新生命,象徵耶穌基督重生,而紅色代表基督嘅寶血,所以希臘傳統會將雞蛋染成紅色,而東正教認為雞蛋殼代表基督嘅墳墓,所以亦會喺復活節當日敲爆蛋殼去表示耶基督破墳重生。通常大家會互敲紅雞蛋,敲嘅時候雞蛋必須要尖頭對尖頭,敲到蛋殼裂開為止,敲果位會講「Christos Anesti (基督已經復活)」,而另一位會回應「Alithos Anesti (無錯,佢已經復活喇!)」。 除咗紅色復活蛋,其實紅雞蛋麵包Politiko亦係另一種希臘傳統食物,方法就將紅雞...
Category: 旅遊

夏令時間正式開始!

希臘時間由今日開始轉做夏令時間,即係同香港嘅時差由六個鐘變返做五個鐘,感覺上近返好多呀! 呢幾日下晝太陽勁猛,見到好多人已經短袖背晒心咁,夏天呀夏天,好快就可以去遊島同游水喇!期待!  
Category: 旅遊

雅典春天長這樣

如果我話一返到雅典,就見到屋企花園開咗幾棵櫻花樹,呢兩日仲有櫻吹雪,會唔會太囂張。。。 呢度一呼一吸都係清新空氣,隨便亂望都係滿開嘅靚花,加埋個激藍天空同埋勁暖嘅陽光,只可以話雅典嘅春天係靚到低調不能。 今個春天,或者你哋會嚟希臘陪我賞花?
Category: 旅遊

希臘日落新場:雅典郊區Glyfada海邊

希臘日落出名靚到爆,唔少人嚟希臘旅行嘅目的都係想一睹個咸蛋王喺你面前跌落海果個magical moment,而最出名嘅日落聖地一定係Oia,大大個咸蛋王餵到你飽(個相機),當年我第一次睇希臘日落都係喺呢度睇。 不過未必個個人都會千里迢迢由雅典去Santorini再去Oia,其實喺雅典南部嘅郊區Glyfada海邊睇日落都係一絕,除咗有天有海有山有風有白鴿有日落,最重要係無乜人,成個海邊俾我霸哂! Glyfada係比較多有錢人聚集嘅區域,所以一排又一排嘅遊艇已經默默咁等待夏天出海,海邊亦有唔少海景cafe同餐廳,市中心有好多名店同小店,如果想喺雅典郊區shopping、睇日落、食飯直落,可以嚟Glyfada一日遊。
Category: 旅遊
Comments Closed