32

[慎入!有洋蔥!係有機洋蔥相]

趁Green Monday講吓有機食品,好記得上年6月,我突然全塊面同頸出哂紅疹,痕到跳樓,要搽類固醇同食抗生素,醫生話我免疫系統有問題,加上當時情緒低落&壓力大,又成日食垃圾食物,自己又有貧血同埋濕疹底,又夜瞓,香港空氣又差,十九幾萬樣嘢加加埋埋,身體、皮膚同情緒都出現好多問題,醫生叫我食清啲食健康啲,但係身處美食天堂,叫我唔好打邊爐唔好食辣嘢好殘忍啫,而且要喺香港食有機食物係好貴囉。

不過嚟到希臘,由於全屋人都食齋,而且仲好講究食物嘅質素,只會買無防腐劑或者有機嘅食物,所以我嘅飲食習慣180度改變,想食零食?得Organic Dry Fruit或者Greek Yogurt咋,想飲咖啡?得Organic Concentrated Juice或者自己揸啲有機水果果汁啦,全屋無白糖、白鹽、白麵包、味精、可樂、薯片。。。初時好唔慣,但一個月之後,我見到自己啲皮膚、頭髮同身體狀態都唔同哂,我先真正體會到健康飲食嘅重要性。

我同希臘人講香港好多人有濕疹、敏感皮膚、氣管同免疫系統問題,希臘媽媽聽完好心up,佢話希臘人好少會有呢啲問題,因為呢度無乜空氣污染、而且有健康飲食同埋生活節奏慢(係超慢。。。),佢叫我提醒香港嘅朋友,就算控制唔到空氣污染同繁忙生活節奏,起碼都要注重健康飲食,仲帶咗我去Organic Flea Market,話要介紹啲好嘢俾我哋,救命呀媽咪,我買到停唔到手!雖然新鮮蔬果我帶唔到返香港,但如果想買相入面made in Greece嘅organic dry fig、fig sauce、fruit juice、sugar-free cookie等等,可以inbox我代購,我今個星期六會再去。

31 30 33  34 35 36 37 38 39