TIFFANY NG | Back to ELLE BLOG

希臘日落新場:雅典郊區Glyfada海邊

希臘日落出名靚到爆,唔少人嚟希臘旅行嘅目的都係想一睹個咸蛋王喺你面前跌落海果個magical moment,而最出名嘅日落聖地一定係Oia,大大個咸蛋王餵到你飽(個相機),當年我第一次睇希臘日落都係喺呢度睇。 不過未必個個人都會千里迢迢由雅典去Santorini再去Oia,其實喺雅典南部嘅郊區Glyfada海邊睇日落都係一絕,除咗有天有海有山有風有白鴿有日落,最重要係無乜人,成個海邊俾我霸哂! Glyfada係比較多有錢人聚集嘅區域,所以一排又一排嘅遊艇已經默默咁等待夏天出海,海邊亦有唔少海景cafe同餐廳,市中心有好多名店同小店,如果想喺雅典郊區shopping、睇日落、食飯直落,可以嚟Glyfada一日遊。
Category: 旅遊
Comments Closed

想做就做,有咩好怕喎

想講返2017年1月1號發生嘅事,果日係希臘嘅拆禮物日(類似boxing day),而我真係拆咗全日boxes,原因係我上個月太得閒,無所事事行行企企周身唔自在,於是自動請纓幫手執屋,結果賴嘢啦,邊有人咁多雜物㗎。。。攰到。。。雖然係好攰,但係見到地庫由一片混亂變到勁整齊都好有滿足感。 而驚喜位係,夜晚佢哋叫我圍埋去拆禮物(真係boxing day!),原來媽媽買咗隻戒指俾我!果刻係超感動!連埋前一晚另一位媽媽送俾我嘅(偽)足金2017開運吊飾,我覺得呢個只得1度嘅新年好温暖。 半年前我絕對無諗過會遇到呢班媽媽同其他希臘朋友,更加諗都諗唔到自己會因為收到心形戒指同埋開運吊飾而咁開心,最最最諗唔到嘅係我會辭咗份工飛去希臘條條fing。從來都唔係一個會去計劃嘅人,正宗煮到埋嚟...
Category: 旅遊

【新年長知識系列】Happy New Year! 希臘新年傳統蛋糕Vasilopita!

希臘人非常之咁重視聖誕節同埋新年,會聚埋一齊慶祝,今晚會夜晚11點先開始食晚餐(平時佢哋閒閒地都夜晚10點先食),一邊食一邊倒數,然後最重要嘅環節係,切開一個叫做Vasilopita,兼且攝咗一個銅錢嘅大蛋糕/ 批/ 麵包,象徵分享好運,邊個分到有銅錢果件就代表佢喺新一年特別有運行。 至於點解有呢個傳統,事緣希臘係無聖誕老人嘅,但佢哋有一位聖人叫做Agios Vasilis,(據聞佢身形瘦削,同肥嘟嘟嘅Santa Claus好大分別),佢會焗一啲攝咗錢嘅蛋糕,然後分俾有需要嘅人食(又食又拎咁囉!幾開心!)而呢位聖人嘅命名日係喺1月1號,所以希臘人會喺新年切呢款以呢位聖人Vasilis個名命名嘅Vasilopita蛋糕。 除咗Vasilopita蛋糕,仲有兩種聖誕節同新年限定嘅傳統食品,分別係白色嘅Kour...
Category: 文化

希臘人初次試煮米線,原來米線煮法如此多!

當我對米線嘅印象仲停留喺襯酸辣、蕃茄、麻辣湯底呢類咁陀地煮法嘅時候,估唔到屋企入面嘅希臘人可以將米線煮到圖中咁樣樣。。。 話說我上星期買咗一公斤米線,諗住可以食成個月,並且率先用辣粉煮咗個辣湯米線嚟食,非常之咁滿足。但係無手尾嘅我求其將大大袋米線放咗喺廚房,前幾晚俾媽媽發現咗,佢問我:“今晚食smoked salmon pasta好唔好?” 我即時話:“正呀!” 點知佢煮哂一公斤米線當Pasta!由於份量太多,食咗幾晚先食得唒,好彩晚晚都有唔同煮法! - 紅蘿蔔蕃茄芝士炒米線   - 煙三文魚忌廉米線 - 大白菜蕃茄配韓式辣醬炒米線   食後感:好有特式,好好味,但我份人比較傳統,我覺得米線都係配湯底最啱feel,所以下次我一定會收埋包米線自己煮。
Category: 飲食

希臘餐廳芝士全餐

去希臘餐廳食飯,除咗橄欖同橄欖油係無處不在之外,芝士嘅曝光率亦非常之高,Menu通常都有一part係”Greek Cheese”,有好多唔同嘅款式同味道,不過我本身唔慣齋食芝士,所以叫咗啲有用芝士整嘅嘢食。     希臘蜜糖焗芝士: 淨係睇個名都知好好食,每次我都會order兩碟。炸到金黃色嘅蜜糖脆皮甜得嚟又唔熱氣,配咸咸哋嘅芝士食落個對比好過癮。   蕃茄salad: 一上枱我仲以為自己去咗日本食pancake!咩事簡簡單單一個salad都整到咁靚呢,蕃茄同麵包之間夾咗一層厚芝士醬,撈埋食好易入口。   芝士焗厚磨菇: 底下果塊磨菇厚到件扒咁,一切開入面啲芝士同磨菇汁引發出人類對食物果種原始而純粹嘅慾望。(文青mode)   芝士釀紅椒: 大大粒紅椒用橄欖油浸到軟軟哋又唔辣,中間釀滿濃...
Category: 旅遊