白雪雪@Snowy Village

 修眉經驗分享 ﹣ BOBBI BROWN好D定係SHU UEMURA好D呢？ 

其實我每個月都會去修眉一次！ 當然，你會話：我做FACIAL時都包埋修眉啦！做MUD鬼要比＄125﹣＄150一次山長水遠又要提前幾日BOOK咁去BOBBI BROWN同埋SHU UEMURA修眉呀？！             

咁我就話比你聽呢個諗法就錯喇！ 通常FACIAL地方的治療師只會幫你修雜毛（同埋我唔敢比佢地修眉形囉！ 嘩！如果修錯左我個眉山，或修到一邊高一邊低咁，咁就真係時間可以沖淡一切囉！（意思係喊都無謂，要起碼等一兩個月先生番出黎呀）！ 搞不好影響埋運程TIM！         

同埋我試過一個痛到入心的經驗 ：幾年前有一次喺我瞓喺度比個治療師幫我修眉時，我梗係合埋眼啦！哇噻！ 佢唔小心用眉鉗張我成片眼皮鉗起左呀！！！ 痛到我標眼水呀！你都唔知我幾驚呀！ （以上只係純粹個人經驗分享）      

咁所以呢！想靚，呢D錢就唔可以慳了！EVEN我自己修，我都只會同自己修眉下面D雜毛咋！        

好了，以我的經驗，兩間都修得好好（當然好DEPENDS ON個BA的手勢啦！），但我會覺得SHU UEMURA好D，請看以下分析：          

SHU UEMURA的修眉CARD

 手勢方面：         

BOBBI BROWN 用眉鉗掹眉，當然都修得好好，而選擇一個好手勢的BA好重要，我都係試左好多個先搵到之前心愛的那個！但係好可惜，佢大咗肚之後就無做了！         

用眉鉗掹眉比較痛及容易紅，如果有D SISTER本身眉毛好疏（疏有疏修，點都要修好個形態，再用淺BROWN或淺灰眉粉畫番條眉），用眉鉗掹眉好易破壞毛囊，當時間耐左，受破壞的毛囊係唔會再有眉毛生出來（以上說法只針對眉毛稀疏的SISTER）！         

SHU UEMURA 係用日式修眉法，用專業眉剪修好眉形後，再用眉鉗修雜毛（注意：BOBBI BROWN 是90﹪﹣95﹪用眉鉗掹眉，到最後用眉剪幫你修眉頭／ 而SHU UEMURA係80﹪﹣85﹪用眉剪修好眉形後，再用眉鉗修雜毛）這樣，減少毛囊被破壞的機會，而且我自己覺得SHU UEMURA修得我條眉毛靚D，整齊D，又無咁紅，又無咁痛！         

SHU UEMURA的修眉CARD ﹣ 分店電話SHU UEMURA的修眉CARD

   價錢方面：         

BOBBI BROWN同SHU UEMURA都差唔多，大約＄125至＄150一次！DEPENDS ON 你有無JOIN PACKAGE！PACKAGE大家都好似係買5次送一次，原價HK＄150一次，JOIN PACKAGE後HK＄125一次！         

但係SHU UEMURA買滿大約HK＄350任何貨品就送一次免費修眉！咁好睇各位SISTER平時有無用開SHU UEMURA的產品！如果有，橫豎都係買，咁梗係買貨攞免費修眉抵D啦！如果未試過日式修眉的SISTER，可以用原價先試一下啱唔啱自己先啦！（以上價錢只供參考咋，記錯左唔好怪我唷！)        

BOBBI BROWM的修眉RECEIPT

預告： 下一篇文章係講超平及超正的眉鉗和眉筆喺邊度搵到呢？！         

我唔想幫BA賣廣告，如果SISTERS想知我用緊邊個SHU UEMURA的BA，請EMAIL 或PM或去我的BLOG留言給我！希望幫到你啦！         

如有個別修眉問題或有選擇困難症的SISTER，請個別聯絡我，我再睇睇點到大家！         

BE Certified Blogger:      

http://blogazine.beautyexchange.com.hk/?uid-136054         

Email: be_snowwhitewhite@rocketmail.com         

白雪雪         

<D