匯報我既脫毛療程, Dream Beauty Pro唔係黑店(續)

美容秘笈 – 脫毛大揭秘。第二輯
上次講到我去左Dream Beauty Pro大埔分店做左個脫毛諮詢, 確認呢間嘢唔係黑店
幫大家回顧下:
1.我格過價, 係我搜尋到既範圍內Dream Beauty Pro係最抵, $333三個位, 不限大小(排除咗黑店嫌棄)
2.無論環境、地點、員工質素真係唔錯, 有驚喜
3.做左諮詢, 俾左錢, 暫時未有硬銷情況出現
4.第一次預約只係做諮詢, 脫毛要下一次先做

跟住個事情發展就係, 我番左屋企幾日之後就打電話去book下次treatment啦
(佢地淨係可以打電話去book, 無其他方法, 係有D唔方便..)
好快有個女仔聽左, 我話我想book時間跟住佢就叫我等一陣就開始俾音樂我聽, 聽左好耐正當我想cut線既時間佢終於聽番, 佢都sa哂冧咁, 我就原諒佢啦
我係約2個星期後既日子, 都唔算難約既, 係我身諗住約2點既, 但無位所以轉左約12點。 咁book時間呢方面都唔難約既, 畢竟都只係第一次

到左預約前一日, 有個同事會打黎confirm booking, 但因為我無set佢地電話, 第一次無聽既, 第二次見又係呢個號碼先聽
係依家呢個年代真係無入既號碼都真係好少會聽
我覺得佢會打黎remind你係好貼心既, 我之後可以set番號碼就無問題, 但第一次打黎我估應該好多人都唔會聽, 我估姐

到左第二日, 12點去到, 可能因為佢岩岩開門, 唔洗點等就可以入房換衫, 件衫係灰色長毛巾質地既tube, 都幾舒服
換好之後訓係到等佢入黎, 個美容師入左黎之後就會幫你檢查你揀左做脫毛個D位(我揀左underarm,小腿同下手臂)
佢話我腋下同小腿都有毛髮倒生既問題, 但都唔嚴重, 其實我都知, 格肋底剃毛個陣都成日見到有條毛係個皮下面
美容師話有D treatment係可以解決毛髮倒生問題, 我問佢唔做得唔得, 佢話OK喎!!竟然!! 佢話因為我唔算太嚴重, 唔做都無乜大影響, 但要耐心跟足時間做多幾次先OK, 同埋毛髮倒生既位可能要做多幾次D毛先可以脫得清, 咁當然做左效果就會再快D, 再明顯D啦!
既然係咁我梗係唔做啦~