人人都話要品味生活,最想開個文青café,日日用部咖啡機沖杯精品咖啡俾自己。

上完個拉花班之後,自己又確實成日手痕想拉番杯靚靚latte俾自己。不過拉花都係其次,個人鐘意飲「回甘」(After-taste)較強既咖啡,所以偏向飲Espresso呢類口感豐富既咖啡。

而要煮一杯好既Espresso咖啡,除左佢個base、豆種同炒功外,磨豆同氣壓呢兩個環節都係唔可以忽略。一杯好既Espresso, 最緊要係D 豆磨得均衡,濾杯密,因為在加熱既時候,可以避免高熱破壞佢既味道,令口感呈現多D層次。

咁啱有朋友新買咗部SCOTT coffee maker,作為一個咖啡控,梗係要去試試啦。

图片1

图片2

图片3

咪睇佢機仔細細,朋友話呢部機大有來頭,法國設計,不過邊到黎都唔緊要,最緊要係部機既設計、性能同沖出黎既咖啡質素!

图片4

先唔睇個咖啡質素,個面板控制已經設計到又易睇又易明,成部機只係得3個制,全部輕觸式搞掂,一個制就有咖啡飲,單係呢個位就已經贏左一分!

图片5

图片6

另外無論你想入豆、加水,全部都係打開個蓋就得! 非常方便!

部機亦都有得較磨豆粗幼既功能,不過其實較中度經已好好用~

但原來細心D去睇, 會發覺入豆位置個面蓋底下加左一層橡膠作密氣之用。

當然,如果你想沖一杯Creamy 既咖啡,最緊要都係D 豆既質素! 所以開封之後記得要2 3 個星期內飲晒佢,以免D 豆既油份風乾及受潮變酸澀~

图片7 图片8

图片9 图片10

再黎睇睇性能方面,精品咖啡既靈魂在於咖啡在虹吸壺翻煮既次數同氣味既變化 ; Espresso 就在於個濾杯同埋加壓! 呢部SCOTT coffee maker 既濾杯係機身左側,濾杯大而且洞較密,有足夠空間比咖啡粉在入面膨脹,而且有19 Bar既壓力,相比起市面一般只有5 – 15 Bar 既咖啡機,沖出黎既咖啡相對多左層油份,屬於高壓咖啡機!

图片12

图片13

作為一個高階User,當然睇埋個粉餅! 壓出黎既粉餅乾燥而且屬中度填壓,所以口感細膩,回甘尚算唔錯!

图片14

至於清洗方面,只要打開機身下面的Drip Tray就可以將咖啡渣倒走同清洗一下內部,設計比較用心!

图片15

當然,如果熱愛長杯咖啡既你可能會問 : 個咖啡咀甘低咪只可以沖到Espresso? 其實個咖啡咀係可以上下移動方便配合唔同高度既咖啡杯,只要移開個Drip Tray就可以放個大杯埋去,你話係咪好方便呢?

宏觀而言,呢部SCOTT coffee maker個質素真係好唔話得,單係好多細位就見到設計落足心思! 加上部機個Size細小骨緻,容易擺設 ; 輕觸面板,一個制就KO既成件事,岩晒繁忙既都市人。最後, 19 Bar 呢個高壓系統同咖啡質素,可以話係無得輸呀!