有次上YouTube見到有個外國媽媽拍片幫BB用cream按摩,見個BB嘅樣好歎好舒服咁,我都忍唔住捉埋老公幫阿仔試下做Massage先~同阿仔先用QV Baby 沐浴油沖涼,之後再用QV Baby cream出黎慢慢幫佢全身按摩,下文就詳細講下點按摩啦!

FullSizeRender (3)

 

按摩之前當然要洗白白先,我會用QV Baby沐浴油幫阿仔沖涼,每次一浸佢落浴盤佢就會笑得好開心~呢隻bath oil係完全透明,就咁睇好似水,倒1/3蓋落浴盤就已經夠,一倒左落水就會變乳白色,不過唔會起泡泡。

揀呢隻bath oil最主要係講明性質溫和,而且唔會含有色素、香料同埋刺激物,咁我先放心俾阿仔用。同埋始終係第一次做媽媽,好驚幫佢沖涼個陣會唔小心跣手,QV Baby沐浴油嘅質地係唔油淋淋又唔會好似其他沐浴露咁跣,阿仔沖完涼之後會好清爽,皮膚又唔會乾爭爭。

FullSizeRender (6)

 

沖完涼抹乾身就可以拎罐QV Baby cream出黎幫阿仔做Massage啦!我用開QV Baby隻moisturizing cream,貪佢有高濃度配方,可以全日有保濕效果。同埋個質地好潤,但一搽左落皮膚就好快吸收,而且無特別香味,性質好溫和,我平時都會用呢隻cream幫阿仔搽手腳。

好啦,到按摩時間啦~之前去育嬰院上堂,姑娘話幫BB按摩可以改善血液循環,又會令BB好放鬆好舒服,當然都係好好嘅親子活動啦!我會用QV Baby cream由阿仔對腳開始,慢慢輕輕力按上去,一路按一路用D cream搽均佢皮膚,由腳、pat pat、肚仔、胸、手按到上塊面,最後就按埋背,阿仔個樣係會非常非常之歎,有時都會「嘻嘻」聲咁,好得意。

而依家差唔多個幾星期就會幫阿仔做一次按摩,開頭都係我自己幫佢按,但老公見我地按得咁開心,又話要試下幫佢按,哈哈!的確係唔錯嘅親子活動~