海外Wedding已經十分普遍,一來可以唔使係香港同人爭又貴又細嘅婚宴酒席場地外,仲可以結婚順便去旅行,新人們只要計劃得好,分分鐘可以比香港擺酒平好多。 參與過不少海外wedding,但今次新娘子Abby選擇喺雲南嘅麗江古城舉行婚禮算是新鮮。 其實麗江一直係我想去嘅旅遊目的地之一,佢比國家評為五A級世界文物遺產,係一個風景明媚、古色古香的好地方,城內既風景絕對震撼眼簾,估唔到今次有機會因工作為自己謀福利順便去埋旅行! 婚宴場地設於古城內頂級的Pullman酒店,酒店佔地極廣,中式庭園設計嘅獨立屋周邊種滿唔同種類嘅植物,環境同配套都一絕。 新娘子和親友自拍記錄最美一刻。 新郎坐著馬車來接新娘,這畫面絕對值得記載! 我幫Abby設計了乾淨立體的妝容配合高貴簡潔嘅髮型,造...